PAS 30 VITEVE, IA ARRITËM! ZHELINA KA ARSYE PËR TË FESTUAR!

Qytetarë të mi të dashur,

Sot, bashkë me drejtorin e NP “Rrugët shtetërore” të Maqedonisë z.Kitanov nga Komuna e Zhelinës kumtuam lajmin se shumë shpejt do të fillojnë punimet e rikonstruimit/asfaltimit të rrugës së vjetër regjionale ‘Karpallëk – Zhelinë’ e cila është me 16 km gjatësi.

Si kryetar i Komunës së Zhelinës që nga momenti i parë kur jam në menaxhim të komunës, kam kërkuar dhe insistuar vazhdimisht që të projektohet dhe të asfaltohet kjo rrugë.

Ju e dini se kjo rrugë është shumë e frekuantuar nga komunikacioni që çdo ditë e më shumë po rritet. Është dëshira e kahmotshme e të gjithë juve që më jeni drejtuar vazhdimisht dhe sot, edhe unë sikur ju jam i gëzuar që më në fund ia arritëm. Pas 30 viteve ia arritëm qëllimit që kjo rrugë të asfaltohet!

Ky investim do të jetë nga fondet e caktuara evropiane dhe do të realizohet përmes NP Rrugët e Maqedonisë.

NP Rrugët Shtetërore të Maqedonisë

Komuna e Zhelinës