QOFTË I PAHARRUAR KUJTIMI PËR TY!

Në kujtim të dëshmorëve të kombit, sot përkujtojmë 19 vjetorin e rënies heroike të dëshmorit të kombit, Rametulla Ameti nga fshati Kapazhdoll i Komunës së Zhelinës. Me krenari përkujtojmë figurën e ndritshme të kombit dhe vendit tonë, veprën, heroizmin e mbi të gjitha guximin e luftëtarit të lirisë, i cili ra dëshmor gjatë luftës së vitit 2001, në fshatin Neproshten të Tearcës, që ne sot të jetojmë të lirë e barabartë.

Lusim Zotin e Madhërishëm, që veprën dhe sakrificën e tyre ta bëjë dritë në atë botë, t’ua japë shpërblimet e pakufishme të Tij dhe gradën më të lartë të Xhenetit.

Lavdi dhe nderime të përjetshme për dëshmorët e kombit.