Edhe zyrtarisht “Strassenflex” vendos të hapë fabrikën në komunën e Zhelinës

Ashtu siç ju njoftuam para disa javësh, sot edhe solemnisht në hapësirat e komunës së Zhelinës u nënshkrua Marrëveshja për hapjen e fabrikës së prodhimit të asfaltit pluhur.
Kompania gjermane Strassenflex do të ndërtojë fabrikë për këtë lloj të veçantë të prodhimit në Komunën e Zhelinës, e cila do të mundësojë hapjen e 60 vendeve të reja të punës.
Ky lloji i asfaltit me përbërje edhe plastike që është shumë më efikas se asfalti tradicional që përdoret për shtrimin e rrugëve, do të kontribuojë në riparimin e shumë rrugëve në vendin tonë si dhe sanimin e gropave.
Pronari i Kompanisë ShtraseFlex falenderoi Kryetarin e Komunës së Zhelinës z.Blerim Sejdiu për kontributin dhe ndihmën e dhënë për hapjen e kësaj fabrike, z.Daut Elmazin dhe Ambasadorin e RMV në Kopenhagen z.Faton Bejta.