Kreu i Zhelinës, Sejdiu: Jo korrekte ora policore dhe për komunën tonë

Është jokorrekte ora policore edhe për Komunën e Zhelinës.

Bazuar në numrin gjithnjë në rritje të të infektuarve me Covid-19 (sot 101), Qeveria sot vendosi për rikthimin e orës policore në disa qytete të vendit ku numri i të infektuarëve është më i madh, në komunat: Shkup, Haraqinë, Sopishtë, Tetovë, Tearcë, Zhelinë, Bogovinë, Bërvenicë, Jegunovcë, Kumanovë, Likovë, dhe Shtip.

Ora policore do të aplikohet nga dita e Enjte në ora 21:00 deri ditën e Hënë ora 05:00.

Komuna e Zhelinës vlerëson se ky vendim nga Ministria e punëve të brendshme është jo i drejtë. Edhe pse Komuna e Zhelinës nuk ka shënuar asnjë rast me Covid-19, përsëri trajtohet njëjtë me komunat tjera ku numri i personave me Covid19 është në rritje.